حياتى=عيلتى واهلى

بحبك اوى يا عيلتى

اكيد كل واحد فينا فى شئ مهم فى حياتو والشئ دة هو اللى بيفضله عن

كل الناس وعن كل حاجة وعلى حساب اى حد

انا بقى بفضل عيلتى عيلتى واهلى عن كل حاجة فى الدنيا هما اللى ربونى

وعلمونى وانا ضغيرة هما اللى بيخافو وبيحافظو عليا وعايزينى ابقى احسن واحدة فى الدنيا

بعدت عنهم بس هما دايما اللى فى قلبى وحسيت بقيمتهم اوى لما بعدت عنهم

هما اطيب ناس فى الدنيا بيدافعو عنى فى كل حاجة بيتمنو ليا الخير دايما

انا حبيت اكتب الموضوع دة لانى بجد بحب عيلتى اوى وهو دة اللى جه فى بالى ان اكتبه

لانى بلاقى ناس كتير بتكون المفضلات عندها حاجات تانية غير العيلة

غير الاهل واللمة الحلوة والاعدة الجميلة

بقت الناس بتهتم اكتر بالصحاب والكورة والخروجات والحاجات دى

بس ليه احنا بقينا قاسيين على عيلتنا اوى كدة

ليه وخصوصا الشباب بقت منعزلة عن عيلتها بقى كل حياتهم النت والخروج

تقريبا ميعرفوش حاجة عن عيلتهم لو مناسبات ميحضروهاش لو خروجة حلوة مع العيلة يقلك لا يا عم انا هروح اخرج مع صحابى احسن بلاش

((((نكد!!!!!!!!!!!1))))

هى العيلة بقت نكد ؟؟؟؟؟؟؟؟؟؟؟؟؟

يا جماعة بجد فيه شباب وبنات انا اعرفهم ميعرفوش اقاربهم ولو شافوهم فى الشارع مش بيعرفوهم !!!!!!!!!!!!!!!!!!

ليه وصلنا للدرجة ؟؟؟؟؟؟؟؟؟؟؟

ليه الدنيا اخدتنا اوى كدة ونسيتنا حقوقنا ؟؟؟؟؟؟؟؟؟؟؟؟

يا شباب بجد لازم تكون علاقتكم بعيلتكم تتحسن وتكون احسن

هما دول اللى هيقفوا جمبك فى كل حاجة فى كل موقف هتتعرضلو سواء وحش او حلو

صاحبك ممكن يبيعك لكن اهلك لالالالالالالالالالا..........

عيلتك هى الاصل وهى احسن حاجة فى الدنيا

i love u my familyyyyyyyyyyyyy

ــــــــــــــتحياتىــــــــــــــmo2a

مثقف

فكرت فى يوم مع نفسك يعنى ايه كلمة مثقف
**********
الاول هقلكم معنى الكلمة فى اللغة .........
(ثقف فلان :ثقافة ً : صار حاذقا فطنا )
(ثقف الشئ:اقام المعوج منه وسواه \ ثقف الانسان: ادبه وهذبه وعلمه)
(تثقف :تعلم وتهذب )
(الثقافة: العلوم والمعارف والفنون ) _معجم الوجيز_

طبعا المعنى دة يوحى ان الانسان المثقف هو اللى يكون عارف كل حاجة ويكون عنده كمية من المعلومات
كبيرة يقدر يساعد بيها نفسه والناس اللى حواليه .........
بس يا ترى انت شايف نفسك على قدر من الثقافة وازاى الواحد ممكن يثقف نفسه اكتر ويكون قادر انه يتعايش
مع وضع المثقفين ........

الواقع ان اغلب شباب اليومين دول مقدار الثقافة عندهم قليل جدا كل واحد بيقلك مش عايز يوجع دماغه
بس هو الثقافة وكون ان الانسان يثقف نفسه ويعرف كل حاجة فى الدنيا يبقى كدة بيوجع دماغه ......
فى الغرب لما تيجى تكلم الشباب وتناقشهم فى اى موضوع تلاقى الشاب منهم يرد عليك بكل ثقة ويكلمك
فى الموضوع لان عنده معلومات وحجج يقدر يناقشك بيها ..........
بس احنا ليه مش كدة ؟؟؟؟؟؟؟؟؟؟؟؟
ليه ميكنش عندنا ثقافة ويكون عندنا علم بكل شئ وبكل اللى بيحصل حوالينا

ازاى تثقف نفسك؟؟؟؟؟
لا زم تقرا كتير وفى كل المجالات (دين,فلسفة,سياسة, علوم,فن,رياضة........الخ)
لازم نتابع الاخبار كل يوم ونعرف ايه اللى بيحصل حوالينا .
كتر من علاقاتك الاجتماعية مع الناس وخصوصا الناس اللى اكبر منك وخبرتهم كبيرة .

57357

مستشفى 57357
مستشفى سرطان الاطفال
تاسست 7\2007 واستقبلت اول طفل فى هذا اليوم
مصنوعة كلها من زجاج من الخارج لكى توفر النور الطبيعى للاطفال
ولكى يرى الاطفال ما يوجد بالخارج حتى لا يشعرو انهم منقطعين عن الناس

صنعت ارضيتها من عجينة خاصة (الموزايكو) لكى لا تسمح للتراب بالنفاذ او البكتريا .
الحوائط مدهونة بمادة تمنع تاكسد البكتريا وهذا لان مرضى السرطان تكون مناعتهم صفر ...

المستشفى بها اشرعة من الخارج وكأنها عبارة عن سفينة لتوصل الاطفال لبر الامان

يوجد بالمستشفى قسمين :
قسم العيادات الخارجية وقسم العيادات الداخية

اولاً: قسم العيادات الخارجية :

يكون فيه المرضى الذين ياتون للمعالجة ليوم واحد فقط فى الشهر
ويكون سنهم من شهر حتى 18 عام

ويوجد قسم داخلها يسمى (14 حجرة ) ويوجد فيها من سنهم فوق 13 عام
وذلك حتى لا يشعروا باحراج من الاخرين وايضا بها الفتيات من سنهم فوق 13 عام .
والاطفال الذين لا يجلسوا مع احد لاسباب خاصة .
وسميت ب14 حجرة لان عددهم 14 وكل حجرة يكون المسؤل عنها شخص معين متبرع بكل ادواتها واجهزتها
وتسمى باسمه او باسم هو يختاره وتكون صدقة جارية وهو مسئول عن هذه الحجرة بعد ذلك .

ثانيا:قسم العيادات الداخلية :

يوجد بها المرضى التى تكون حالتهم حرجة جدا وتصل مناعتهم الى صفر ولا يسمح بالدخول الى هذا القسم للزائرين .

تقوم المستشفى على التبرعات فقط ولا دخل للقطاع الحكومى فيها وانما تعتمد على التبرعات من الجمعيات الخيرية او الافراد او رجال الاعمال
وتستقبل المستشفى حتى 500 طفل فى اليوم

(((هذه المعلومات من المرشد الخاص فى المستشفى )))

خد فتواك على هواك

صدرت العديد من الفتاوى الغريبة فى عن المفتى ودار الافتاء ومجمع البحوث مؤخرا وقد لاقت العديد من ردود الافعال التى تنكر هذه الفتاوى

وكانت اول هذه الفتاوى فتوى صدرت عن الرئيس الاسبق للجنة الفتوى بالازهر والتى تجيز للجيران والاهل ان يطلبو تطليق الزوجين حتى فى حالة عدم رغبة احدهما

وكانت هذه الفتوى يوم 8-3-2009 وذلك اذا رأو استحالة العيش بينهما لكثرة المشاكل والشجار وعجزهم عن حلها !!!!!.http://المصدر:http://arabic.arabia.msn.com/channels/howawahya/Details.aspx?ArticleID=4856

ودة لينك التفاصيل

الفتوى الثانية التى صدرت كانت عن نقل اعضاء المتوفى واجازة ذلك حيث يأخذو الاذن من ولى امر المتوفى لنقل اعضاءه للمريض على سبيل الهبة او بثمن مدفوع

وقد لاقت ايضا هذه الفتوى ردود فعل مستنكرة من الاطباء خصوصا وبعض الاراء فى الشارع المصرى http://http://www.almasry-alyoum.com/article2.aspx?ArticleID=202616

اما الفتوى الثالثة فقد اجاز مفتى الجمهورية السيد على جمعة نقل اعضاء الحيوان الى الانسان فى الحالات الحرجة مثل اعضاء الكلية او القلب

والفتوى الرابعة التى صدرت كان حولها الكثير من الشكوك وهى اعتبار موت جزع المخ هو موت تام للشخص اى ان الموت اكلينيكيا هو موت حقيقى

الفتوى الخامسة والتى صدرت عن مجمع البحوث هى اجازة ترقيع غشاء البكارة للبنت ودة لينك الفتوى http://http://www.youm7.com/News.asp?NewsID=78859&SecID=65&IssueID=0

http://://www.youm7.com/News.asp?NewsID=78701&SecID

انتظر ارائكم فى هذه الفتاوى ومناقشتكم